حكايات المحبين

كان في أحد إخواتنا راح يزور سيدي أبا الحسن الشاذلي ومكنش مقتنع فـ المهم دخل يزور ف لقي الناس الـ داخله بتقول السلام عليكم وهي داخله وجلس فـ المقام يعيب ع الناس بينه وبين نفسه وبيقول هما بيقولوا السلام عليكم لـ مين وهو شايف حد ووو..

فـ الليله دي نام ورأي سيدنا أبا الحسن الشاذلي في رؤيا بيناديله بإسمه وبيقوله(أنا أبا الحسن الشاذلي يا عبد الحكم وشايف كل زُواري وبرد عليهم السلام وبودعهم وهما ماشيين)..

والخمار الشيخ محسن سلام كان حكالي إنه كان نفسه يزور سيدي أبا الحسن الشاذلي وكل ما ينوي يروح والدته تقوله لأ متروحش عشان بيكون يومين العيد وإخواتك البنات هيزعلوا لو أنت مروحتش ليهم فـ العيد..

فـ كانت والدته تعبانه فـ اليوم دا وإيديها ورجلها مش عارفه تحركهم وكانوا بيكشفوا عليها..

فـ الشيخ محسن بيطمن ع والدته الصبح فـ لقاها بتقوله هو الشيخ الـ كنت عاوز تروحله إسمه إيه قالها سيدي أبا الحسن الشاذلي..

قالتله الشيخ دا شكله كذا وكذا وقعدت تقول أوصافه قالها إيه ال عرفك أوصافه..

قالتله الراجل دا شوفته إمبارح فـ المنام ورقاني وشاور بإيده ع الأماكن ال بتوجعني بس دا راجل مؤدب أووي محطش إيده عليا وهو بيرقيني وقالي أما محسن ينوي يجيلي سيبيه يجيلي..

وقعدت تحرك إيديها ورجليها ولا كأن كان فيها حاجه وتقوله شوف ي محسن إيدي ورجلي خفوا..

وقالتله السنه الجايه تروحله..

قطب الأقطاب وكهف أمن الطلاب سيدنا أبا الحسن الشاذلي..💚

تابع قناة تجليات في واتساب وتلجرام:

 👇👇👇👇

 شربنا كأس من نهوى جهارا فصرنا بعد رؤيته حيارى قبس من الحب https://whatsapp.com/channel/0029VafyIYC8aKvG18G5he11 

 https://t.me/Tagleiatsofia